പിറവം നഗരത്തില്‍ എറണാകുളം-പിറവം -കോട്ടയം റോഡില്‍ ദര്‍ശന തീയേറ്ററിന്‌
പടിഞ്ഞാറുവശത്തായി കുന്നുംപുറം എന്ന സ്ഥലത്ത്‌ ഗവ. ഹയര്‍ സെക്കന്ററി
സ്കൂള് സ്ഥിതിചെയ്യുന്നു. കുന്നുംപുറം സ്കൂള് എന്ന പേരിലാണ് ഈ സ്കൂള്
പ്രാദേശികമായി അറിയപ്പെടുന്നത്. അഞ്ചാം ക്ലാസ് മുതല്‍ പന്ത്രണ്ടാം ക്ലാസ്
വരെ ഇവിടെ പ്രവര്‍ത്തിക്കുന്നു.
ആരംഭകാലത്ത്‌ എല്‍.പി., യു.പി വിഭാഗങ്ങള്‍ മാത്രമേ ഉണ്ടായിരുന്നുള്ളൂ.
1950-നോടടുത്ത്‌ എല്‍.പി. വിഭാഗം വേര്‍പെടുത്തി സ്കൂളിന് എതിര്‍വശത്തുള്ള
ടൂറിസ്റ്റ്‌ ബംഗ്ലാവിലേക്ക്‌ മാറ്റുകയും അത്‌ ബംഗ്ലാവ്‌ സ്കൂള് എന്ന്‌
അറിയപ്പെടുകയും ചെയ്‌തു. പിന്നീട്‌ മാതൃസ്‌കൂള്‍ യു.പി. സ്കൂള് മാത്രമായി
തുടര്‍ന്നുപോന്നു. പി.ടി.എ.യുടെയും അദ്ധ്യാപകരുടെയും ശ്രമഫലമായി 1980-ല്‍
ഹൈസ്‌കൂളായി ഉയര്‍ത്തപ്പെട്ടുവെങ്കിലും കുട്ടികള്‍ക്കിരുന്ന്‌
പഠിക്കുന്നതിനുള്ള സൗകര്യങ്ങള്‍ കുറവായിരുന്നു. ഓലമേഞ്ഞ
ഷെഡ്ഡുകളിലായിരുന്നു ക്ലാസ്സുകള്‍ നടന്നിരുന്നത്‌.പി.ടി.എ.യുടെ ശ്രമഫലമായി
1992-ല്‍ ഇന്നുള്ള രണ്ടുനില കെട്ടിടം അനുവദിച്ചു കിട്ടുകയുണ്ടായി.
ആരംഭത്തില്‍ ആറും ഏഴും ഡിവിഷനുകളുള്ള സ്കൂള് ആയിരുന്നു ഇത്‌.
എസ്‌.എസ്‌.എല്‍.സി. ആദ്യ ബാച്ചില്‍തന്നെ ഉന്നതവിജയം നേടാന്‍ ഈ സ്കൂളിന്
കഴിഞ്ഞിട്ടുണ്ട്‌. തുടര്‍ന്നും ഈ വിജയം നിലനിര്‍ത്തിരയിരുന്നു. പിന്നീട്‌
എയ്‌ഡഡ്‌ സ്‌കൂളുകളില്‍ ഇംഗ്ലീഷ്‌ മീഡിയം തുടങ്ങുകയും ചുറ്റുവട്ടത്ത്‌ പല
അണ്‍എയ്‌ഡഡ്‌ സ്‌കൂളുകള്‍ ആരംഭിക്കുകയും ചെയ്‌തതോടെ ഈ സ്‌കൂളില്‍
കുട്ടികളുടെ എണ്ണം കുറയുവാന്‍ തുടങ്ങി. ഇന്ന്‌ എല്ലാ
സ്റ്റാന്‍ഡേര്‍ഡുകളിലും ഓരോ ഡിവിഷന്‍ മാത്രം പ്രവര്‍ത്തിക്കുന്നു.
2004-ല്‍ ഈ സ്കൂളിന് ഹയര്‍ സെക്കന്‍ഡറി അനുവദിച്ചു കിട്ടുകയുണ്ടായി.
സയന്‍സിലും, കോമേഴ്‌സിലും ആയി ഓരോ ബാച്ചുകള്‍ പ്രവര്‍ത്തിക്കുന്നു.
സ്ഥലപരിമിതി ഇപ്പോഴുമുണ്ടെങ്കിലും അതെല്ലാം തരണം ചെയ്‌ത്‌ ഹൈസ്കൂള്,
ഹയര്‍ സെക്കന്ററി വിഭാഗങ്ങള്‍ ഉന്നമനത്തിനായി പ്രവര്‍ത്തിക്കുന്നു.ഇപ്പോള്‍
ഇവിടെ ഹയര്‍ സെക്കന്ഡറിക്കും ഹൈ സ്കൂളിനും നല്ല വിജയ ശതമാനം ലഭിചു വരുന്നു
പാഠ്യേതര പ്രവര്‍തനങളിലും ഈ സ്കൂള് മുന്‍ പന്തിയില്‍ തന്നെ.
ഭൗതികസൗകര്യങ്ങള്‍
രണ്ട് ഏക്കര്‍ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിനായി
നിര്‍മ്മിക്കപ്പെട്ട രണ്ടുനില കെട്ടിടത്തില്‍ 6 ക്ലാസ് മുറികളിലായി
ഹൈസ്കൂളും 4 ക്ലാസ് മുറികളിലായി ഹയര്‍ സെക്കണ്ടറിയും പ്രവര്‍ത്തിക്കുന്നു.
ജില്ലാ പഞ്ചായത്തിന്റെ സഹായത്തോടെ ഹയര്‍ സെക്കണ്ടറി വിഭാഗത്തിനായി പുതിയ
ക്ളാസ് മുറികളുടെ നിര്‍മ്മാണം നടന്നുകൊണ്ടിരിക്കുന്നു. ശ്രീ. ജോസ് കെ. മാണി
എം.പി. ഫണ്ടില്‍ നിന്ന് അനുവദിച്ച ബാസ്ക്കറ്റ് ബോള്‍ കോര്‍ട്ടോട് കൂടിയ
അതിവിശാലമായ കളിസ്ഥലം വിദ്യാലയത്തിനുണ്ട്.
ഹൈസ്കൂള് വിഭാഗത്തിനായി
ശാസ്ത്ര-ഗണിതശാസ്ത്ര-സാമൂഹ്യശാസ്ത്ര-ഐ.ടി.-പ്രവര്‍ത്തി പരിചയ
വിഷയങ്ങള്‍ക്ക് പ്രത്യേകം പ്രത്യേകം ലാബുകള്‍ പ്രവര്‍ത്തിക്കുന്നു. ഹയര്‍
സെക്കണ്ടറി വിഭാഗത്തിന് മുന്‍ എം.എള്‍. എ. ശ്രീ. എം.ജെ. ജേക്കബ് പ്രാദേശിക
ഫണ്ട് ഉപയോഗിച്ച് നിര്‍മ്മിക്കപ്പെട്ട ലാബ് സമുച്ചയം പഠനസൗകര്യം
ഒരുക്കുന്നു. രണ്ട് ഐ.ടി. ലാബുകളിലും കമ്പ്യൂട്ടറുകള്‍,ലാപ്
ടോപ്പുകള്‍,പ്രൊജക്ടറുകള്‍, സ്പീക്കര്‍, ബ്രോഡ്ബാന്റ് ഇന്റര്‍നെറ്റ്
സൗകര്യം എന്നിവ ലഭ്യമാണ്. പതിനായിരത്തോളം പുസ്തകങ്ങളും എല്ലാ
കുട്ടികള്‍ക്കും ഇരുന്ന് വായിക്കാനുള്ള സൗകര്യത്തോടും കൂടിയ വിശാലമായ
ലൈബ്രറി കുട്ടികളുടെ വായനയെ പരിപോഷിപ്പിക്കുന്നു.
പാഠ്യേതര പ്രവര്‍ത്തനങ്ങള്‍
- എന്‍.സി.സി.
- ക്ലാസ് മാഗസിന്‍.
- വിദ്യാരംഗം കലാ സാഹിത്യ വേദി.
- ക്ലബ്ബ് പ്രവര്‍ത്തനങ്ങള്‍.
- സാമൂഹ്യ ശാസ്ത്റ ക്ലബ്ബ്
- ഗ്രീന്‍പോലീസ്
- ഗണിത ശാസ്ത്ര ക്ലബ്ബ്
- ശാസ്ത്ര ക്ലബ്ബ്
- ആരോഗ്യ ക്ലബ്ബ്
മാനേജ്മെന്റ്
Government of Kerala
No comments:
Post a Comment