വായനാ മാസാചരണത്തോട് അനുബന്ധിച്ച് പിറവം ഗവണ്മെന്റ് ഹയർസെക്കന്ററി സ്കൂളിലെ കുട്ടികൾ വായനയുടെ മഹത്വം വിളംബരം ചെയ്യാൻ പുസ്തകങ്ങൾ നെഞ്ചോട് ചേർത്ത് സ്കൂളിൽ നിന്നും മുനിസിപ്പൽ ഓഫീസ് വരെ റാലി നടത്തി. റാലിക്കിടെ വിവിധ ഇടങ്ങളിൽ അല്പനേരം ചെലവഴിച്ച് വിവിധ പുസ്തകങ്ങൾ കേൾവിക്കാരെ പരിചയപ്പെടുത്തി. നാട്ടുകാർക്കായി ഓപ്പൺ പ്രശ്നോത്തരി സംഘടിപ്പിക്കുകയും സമൂഹത്തിന്റെ വിവിധ മേഖലകളിൽപ്പെട്ട ആളുകൾ താത്പര്യത്തോടെ അതിൽ പങ്കെടുത്ത് പ്രധാന അധ്യാപകൻ ശ്രീ. ബഷീർ കെ. ൽ നിന്നും സമ്മാനം സ്വീകരിക്കുകയും ചെയ്തു. റാലിയുടെ സമാപനയോഗം മുനിസിപ്പൽ ചെയർമാൻ ശ്രീ. സാബു കെ ജേക്കബ് നിർവ്വഹിച്ചു. കൌൺസിലമാരായ ശ്രീ. മെബിൻ ബേബി, ശ്രീ. ജിൽസ് പെരിയപുറം തുടങ്ങിയവർ ആശംസകൾ നേർന്നു.
No comments:
Post a Comment